كرســـــــــي الاعتـــــــــــــــــــــــــراف

ملاك الروح كتب:

ماشى يا ملاك أقلك هاتى عيش وحلاوة تورطينى بالطبخ ليكى توريطة برضه اصبرى : :

السؤال الاول..هل تحبين الطبخ ؟
بالغالب آه


السؤال الثاني ..ماهي وجبتك المفضلة؟
البطاطس والكشرى والمكرونة

السؤال الثالث..طبق تحبين طبخه كثيرا
المكرونة

السؤال الرابع ..اول مرة دخلتي المطبخ كم كان عمرك؟
مش فاكرة بالظبط بس يمكن فى حدود 13-14

5..اول طبخة طبختيها كانت ايه ؟
ساعدت فى تحمير بطاطس ورز

6..طبخة طبختيها وفشلت ؟
هههههه كتير أبسط مثال الأكل يتعجن يشيط ، بس دلوقتى أحسن

7..موقف طريف صار معاكي بالمطبخ؟
هو مش طريف أوى بس أنا مرة أدربت على المخبوزات والحاجات دى وكل ما أحاول أعمل حاجة بتطلع حاجة تانية خالص معرفش إزاى ، يعنى أعمل بيتى فور يطلع بسكوت وبلح الشام طلع حاجة كانت حلوة بس مش بلح شام ولا أعرف هى إيه ، بس بتتاكل بالآخر


8..يعتمد عليكي في الطبخ ولالا ؟ بصرااااااحة ها
مش كل الأكل لإن فى أكل كتير هما بياكلوه مش باكله ولا برضى أمسكه إلا إذا كان فى ظروف ،بس فى أكلات أعرف طريقتها زى ما بتتعمل بالمصانع زى الحلاوة الطحينية والمربى والبسطرمة واللانشون والزبادى والكاراتيه والبسكوت الطبقات المتغطى ومحشى شيكولاتة والبونبون

9..قوليلنا وصفة لطبخة سويتيها حلوة عشان نجربها
هقلك عالوصفة اللى بطبخها علطول هى مكرونة ههههه بقطع البصل أو التوم وأشوحهم بالزيت لحد ما يحمروا وأحط عليهم الطماطم بس تكون الطماطم متقطعة وطازجة مش صلصلة أو عصير ، زى بتاع السلطة يعنى وممكن أحط معاها بطاطس لو عاوزة وأقلبهم وأحط الملح والفلفل والخل وبعدين المية تغلى المية أحط المكرونة ولما تستوى ممكن يترش عليها جبنة رومى ( الطريقة دى هتدي طعم ) ، ممكن طريقة تانية بحط التوم والطماطم متقطعة برضه فى المية والملح والفلفل والخل وأسيبهم لغاية ما يغلوا بعدين المكرونة ( دى طعمها معقول يعنى عشان الوزن مش يزيد أحلى من المسلوقة العادية )



10..اعملي طبخة وصوريها عشان نشوفها اذا ممكن
هتبقى صعبة شوية لإن الوسيلة اللى أنقل بيها صور للكمبيوتر مش عندى دلوقتى ، بس أنا ساعات بدخل ألم اللى فى المطبخ وأعمل عجينة وإنتى تخيلى هى سهلة يعنى ، ممكن أسلق بطاطس نص سوا وعليها توم فى مية السلق أو بصل وأخدها بالمية أحطلها دقيق وجبنة وزيتون أى حاجة تكون موجودة وينفع تتحط وتتعمل زى البيتزا بالفرن بيطلع طعمها حلو بالأخر


11.. شكلك بالمطبخ انيقة ولا مبهدلة ؟
هههههههههه شكلى هو هو مبغيرش اللبس عشان أطبخ

هل ترتدين المريلة عند الطبخ ؟
لا

13..هل تستمعي لشيء اثناء الطبخ؟
ساعات أغانى أو لو فى مسلسل أو برنامج بالتليفزيون بعليه لحد صوته ما يوصل المطبخ

14..هل تحبي ان يشاركك احد في المطبخ ؟
لا عشان بيزحموا المطبخ ويتفرجوا بس ههههه

ملااااااااااااك خليكى حنينة إفتكرى ليكى يوم هـا أو خرجينى من الإعتقال بقى عشان يقرب الدور عليكى